عرض للطباعة
واقف علي باب المحل بتكلم مع زبون ... بنتين متوسط اعمارهم 14 سنه تقريبا بيسألوني (هي المكتبه اللي هنا فين يا "عمو"؟)
عمو؟؟؟ مع ان شكلهم بسم الله ما شاء الله ناضج جدا يعني كأنهم 18 سنه
عمو ايه؟؟؟ هو احنا عجزنا للدرجه دي؟؟؟
اه عمري ضعف عمرهم و لكن مش لدرجه "عمو" يعني :fun_36_3_4[1]:
طيب يعني عايزهم ينادوك ايه
يا &&&&& مثلا يعني
ههههههههههه
معلش بس ناس بتقول ان انت سنك ضعفهم يندهوك إزاي؟؟؟؟
يقولوا حضرتك ... لو سمحت ... يا استاذ
مش يا عمو ... امال اللي عنده 50 سنه هيقولوا له ايه ؟
اسمع دياقتباس:
المشاركة الأصلية كتبت بواسطة باسم يوسف
اخويا عنده 23 سنة من كام شهر واحدة و بنتها عندها في حدود 4 سنين ماشية لوحدها و امها بتقولها حاسبي عمو :)
هو فعلا مواليد التمانينات كبروا.....انا كسرت ال30 السنه اللى فاتت حاسس انى عجزت .....................وخصوصا اما الاقى ناس معايا مواليد 90 ببقى حتشل
العمر بيعدى ف ثانيه
23 و شعرى ابيض ههههههههه
هو ده اللى مزعلك يا باسم
طيب ايه رأيك ان كل البنات اللى بتجيلى المحل سواء آنسات أو متزوجات بيقولوا لى يا عمو
ههههههههههههههه
يا باشا ده تقليد طالعين فيه البنات و الستات اليومين دول علشان يبينوا ان هم صغيرين
قصدى صغنتتييييييين
ما تزعلش نفسك يا عمو
من شهرين تلاته كنت راكب ميكروباص على الكرسى اللى قدام جنب السواق
و بعد كده كان فيه بنت 15 او 16 سنه كده عاوزه تركب و ماكنشى فيه مكان فاضى غير جنبى و الكرسى ده زى ما انتو عارفين بيبقى ديق
فى الاول هى ترددت بس لما بصيتلى لاقتها طلعت على طول !!!!!
و قعدت جنبى عادى و لازقه فيا الطريق كله - بصراحه انا افتكرت نيتها مش سليمه ولا حاجه لكن و انا نازل لاقيتها بتقولى اتفضل يا عمو
عموووووووو اااااه علشان كده - البنت افتكرتنى بركه بقى و قد ابوها
عادى يا باشا كل اللى معدى التلاتين بيتقاله يا عمو دلوقت مش وحدك يعنى
العمر بيطير وربنا يحسن ختامنا
طيب كويس إن فيه حد بيقولك يا عمو
أنا بقى بيقولولى يا ((حاج))
تخيلوا ... أنا بقى يتقال لى يا حاج
بقى أنا بقى يتقال لى يا حاج :C_laugh[1]::C_laugh[1]::C_laugh[1]:
فى المترو لما باكون واقف ممكن شاب إبن حلال يقوم يقعدنى ... تخيلوا
ما أسرع السنين تمر
وما أكبر خسارتك إن لم تنتهز سنوات عمرك (اللى بتمر كالبرق) فى فعل الخير والعمل ليوم قريب تحاسب فيه على كل شىء عملته فى حياتك صغر أم كبر .
أنا طالب جامعى وعندى 18 سنة وبيتقالى من العيال الصغيرة يا عمو
كلنا هذا العمو. lol
حتضحك اكتر لما تكون بداية جيل التسعينات وتلاقى البيقوم فى المترو ويقولك اتفضل حضرتك اقعد من شباب صغير 15 ل 18 سنة وعمو برضو :) :) تقريباً علشان اغلب الجيل دة شعرهم خف وفى شعر ابيض وبقو شكلهم مهمومين فبياخدو سن اكبر من سنهم الحقيقى شكلاً
فعلا الواحد حاسس انو كبر خصوصا زميلى الجداد لما اسئلهم الاقيم مواليد 92 اتجنن....
انتى فكرتنى بواحده زميلتى فى العمل
وفى يوم جات تعيط
بسالها ليه:قالتلى عايزين يجوزونى واحد كبير قوى!
وانا بحاول اخفف عليا وهيه هاريه نفسها عياط
فبهزر واقولها يعنى ايه كبير قوى.
يعنى فى سنى كده...
وهى وسط العياط تقولى:
لا لا أصغر!!!!!!
انا تمانينات برده .... حسيت بس اني عجزت بعد ماخلصت الجيش .... حاجة جميلة ...يﻻ الحمد لله ... ربنا يحسن خاتمتنا
نفس السناريو اتقالي معلش يا عمو من بنت في اولي جامعة
ههههههههههههههههههههههههه هههه
اما قولت لزوجتي قالتلي انا بقا بيتقالي يا انسة
جرررررررررررررررررررررررر رررررررررررر
و الله أضحكتونى . . أضحك الله سنكم . الخلاصه . أننا من المفروض نعتبر ونحترم سننا اللى قرب من الأربعين و نحن لم نتعظ من الأنذارات الآلهيه مثل الصلع والشعر الآبيض ونلحق نتقرب الى ربنا ونعوض ما مضى من خسائر قبل أن نجد أنفسنا على حافه القبر ولم نلحق أن نقدم شيئا لآنفسنا نقابل به ربنا العزيز الجبار و أذكر نفسى وأياكم أن يعافينا الله من زينه و فتن الحياة الدنيا
مواليد 96 معاهم رخص قياده خلاص وراكبين عربيات (:
مواليد 93 بيكتبوا شيكات وليهم حسابات بنكيه خاصه
احنا اللي عجزنا (:
انا 18 سنة و لسبب ما في ناس 15 سنة بيقولولي ياعمو
مرة كنت بجيب اكل في الجامعة و الي بيعمل الاكل مكملش 25 لقيت الي جمبي بتقولو لو سمحت ياعمو بصيتلها قلبت لو سمحت يا استااااااااااذ
ولا عجز ولا حاجة ده افضل الايام
وبالنسبة ليهم فده شئ جميل انك تلاقي حد بيحترم الناس حاليا وبيقول عمو
او استاذ وخلاف افضل كتير من لغة الاجيال الجديدة
كل فترة زمنية ليها جمالها و انشطتها الواحد بس زعلان علشان ما عشى الفترات بتاعته زى ما المفروض تكون يعنى و لا لعب كويس و لا اتشاقى ايام الجامعة و لا احترام و رصانة الكبار دلوقتى